سياسة الاسترجاع
آخر تحديث: 20 نوفمبر 2026
جرّب قبل ما تدفع
كل جهاز ليه 15 يوم تجربة مجانية بكل مميزات البرنامج، من غير أي دفع. الفترة دي معمولة علشان تتأكد إن البرنامج مناسب لشغلك قبل ما تشترك.
بعد الدفع
علشان كده، المبالغ المدفوعة في الاشتراك ما بتترجعش بعد التفعيل، إلا في الحالات دي:
- دفع مكرر: لو دفعت نفس الاشتراك مرتين بالغلط.
- مبلغ غلط: لو اتخصم منك أكتر من سعر الباقة، بيرجعلك الفرق.
- الاشتراك ما اتفعّلش: لو دفعت وما قدرناش نفعّل الاشتراك على جهازك.
- مشكلة فنية من البرنامج: لو فيه عطل بيمنعك تستخدم البرنامج، بلّغتنا بيه خلال 14 يوم من الدفع، وما قدرناش نحلّه خلال 7 أيام من بلاغك.
إزاي تطلب الاسترجاع
- ابعتلنا على واتساب 01098242591 أو على support@mizafinanceapp.com: كود جهازك، وتاريخ الدفع، وطريقة الدفع، والسبب.
- بنرد عليك خلال 3 أيام عمل.
- لو الطلب مقبول، المبلغ بيرجع بنفس طريقة الدفع خلال 14 يوم، والاشتراك على الجهاز ده بيتلغي.
تغيير الجهاز
لو غيّرت جهازك، مش محتاج استرجاع: بننقل اشتراكك للجهاز الجديد.
إلغاء الاشتراك
الاشتراك مش بيتجدّد تلقائيًا، فمفيش حاجة تلغيها: لو ما جدّدتش، الاشتراك بينتهي في ميعاده، وبياناتك بتفضل على جهازك في وضع «عرض فقط».
السياسة دي ما بتنتقصش من أي حق ليك بيقرّه القانون.