MizaFinance

الدعم

إحنا معاك في أي حاجة: سؤال، مشكلة، نقل بياناتك القديمة، أو اقتراح نفسك تشوفه في البرنامج.

واتساب

01098242591

كلمنا
💡

عندك اقتراح؟

يهمنا نسمعه، واقتراحاتك بتدخل في خطة التطوير.

ابعت اقتراحك
✉️

الإيميل والقناة

support@mizafinanceapp.com

قناة التحديثات

لما تكلمنا، ابعت كود جهازك (MZ-XXXX-XXXX) عشان نساعدك أسرع.

أسئلة شائعة

عندي حسابات قديمة في إكسل أو برنامج تاني، هبدأ من الصفر؟

لأ. فيه جوه البرنامج «نقل بياناتك القديمة»: تنقل أرصدة عملائك ومورديك وأصنافك من ملف Excel أو بلصق النص، وبتراجع كل حاجة قبل ما تتحفظ. ولو احتجت مساعدة في النقل كلمنا على واتساب.

شغلي ليه طبيعة خاصة، البرنامج هيناسبني؟

البرنامج بيسألك كام سؤال في الأول ويظهّر الأقسام اللي بتستخدمها بس: بتشتغل بشركاء؟ بالآجل؟ عندك مخزن بصلاحية؟ وتقدر تغيّر ده في أي وقت. ولو لقيت حاجة ناقصة في شغلك قولنا.

ينفع أشتغل على الموبايل والكمبيوتر مع بعض؟

البرنامج شغال على الاتنين، وتقدر تنقل بياناتك بينهم بالنسخة الاحتياطية. والمزامنة التلقائية بين الموبايل والكمبيوتر هتتاح قريبًا.

بياناتي في أمان؟

حساباتك على جهازك إنت، مش عندنا. البرنامج بياخد نسخة احتياطية مشفّرة لوحده، وتقدر تقفله برقم سري أو بصمة.

أنا بحسب في دفتر ومرتاح، ليه أغيّر؟

الدفتر بيسجّل، لكن ما بيجاوبش. عشان تعرف مين متأخر عليك، أو ربحك الشهر ده، أو صنف بيكسّب ولا لأ، لازم تقعد تجمع. البرنامج بيجاوبك في لحظة، وبيحسب الأرصدة والمخزن لوحده، ومش بيضيع. جرّبه 15 يوم جنب الدفتر واحكم بنفسك.

أنا مش بتاع كمبيوتر وبرامج، هعرف أستخدمه؟

البرنامج عربي ومعمول للموبايل، وفيه عرض «مبسّط» بيظهّر المهم بس. وجواه مساعد بيجاوبك بالخطوات، ولو وقفت في حاجة كلمنا على واتساب.

البرنامج بيشتغل من غير نت؟

آه، كل التسجيل والتقارير شغالة أوفلاين. بس البرنامج محتاج يتصل بالنت مرة كل 7 أيام على الأقل عشان يتأكد من الاشتراك.

ينفع أستخدمه لحساباتي الشخصية بس؟

آه. تقدر تختار تجاري بس، شخصي بس، أو الاتنين مع بعض.

البرنامج هيفضل يتطور؟

آه، بننزّل تحديثات ومزايا جديدة باستمرار، وبتوصلك طول اشتراكك. تابع قناة التحديثات، وابعتلنا اقتراحاتك.

فين كود الجهاز؟

جوه البرنامج في شاشة الاشتراك، وكمان في شاشة «النسخ الاحتياطي وإدارة البيانات». جنبه زرار «نسخ».

نسيت الرقم السري

من شاشة القفل اضغط طلب الاستعادة، هيفتح واتساب برسالة فيها كود جهازك، وإحنا بنساعدك.

النسخة الاحتياطية التلقائية بتتحفظ فين؟

في فولدر Documents/MizaFinance على جهازك (أو الفولدر اللي تختاره)، والبرنامج بيحتفظ بآخر 30 نسخة، وكلها مشفّرة.